تبي تعرف وش اللي بخاطري منك؟!
نسيت أيام عشناها ..
وعشره هنت وياها ..
تبيني أذكرك بأشياء؟
ماني قادره أنساها
دروب احنا مشيناها
بحلاوتها ..ومرارتها
بضنك ويسر ممشاها
نسيت الحب والأشواق ..
كنا نمشي بالإحساس نحارب
وخزة الأشواك ..
ولا هو همنا إلا الود .
وتقول أنك تحبني
موت ..!
عجب أمرك !!!!
عجب فعلك
كلمه بس تكررها
ومعناها بليا شعور
صدى ويردده بس صوت !
أتاري تحب نفسك بس
وتخشى الحب عندي يموت ؟ !
عجيب أمرك
وتسألني
وتسألني ولا تزعل !!!
أنانية أنا بحبك.
دفنت احساس يكفنا
وحسره وخيبة الأنفاس..
على عمر ٍ زمانه ضاع ،
وأنا مـ أدري بلقا الأضلاع..
ليت معاتبك يصحى
يشوف مقابل الأوجاع
صحيت وفتّحت عيني
من بدري لمحت طيفك .
لكن ليت ماتنفع …
وعمر يمر ..لي ما طاع
وضيعنا حلى الأيام ..
لا تدري ..ولا أدري.
بعد لا تقول
لاتزعل !!؟
فطمة رشيد زلزلة
