ياليت تكشف داخل القلب ياليت
جرحي سبب فرقاك ماله مداوي
خل العتاب انت السبب يوم قفيت
وانا بحراك وضيعتني الهقاوي
لجلك كتبت الشعر بيتٍ ورى بيت
ولا همني من قال جاهل وغاوي
كنت افتخر لى قلت للناس حبيت
وكنت افتخر لى قلت للناس هاوي
ما قد حصل في يوم غيرك تمنيت
وان جاني الماء قلت ما ابغاك راوي
منك الخطأ جاني وانا ما تعديت
ياشين طبعك يا حليلك شقاوي
ناديت لك يازين بعدك تعنيت
ابغاك تسمع في كلامي وتاوي
النفس طابت منك ما ابغاك مليت
من سبتك جتني جميع البلاوي
سمو الأمير : عبدالله بن سعد بن عبدالعزيز