العيد ، لمّه – العيد ، فرحةْ – العيد ، جَمعهْ – العيد ، بَسمهْ – العيد ، فرحة وشوق بعيون الولد لو حظن أُمهْ – العيد ،قبلة حنان على خد الطفل يطبعها له عمّه – العيد ، رأس أمي وأبوي أعيونهم تضحك والبسمه مرتسمه – العيد ، أولادي وبناتي وأطفالهم نسمه تجر نسمه – العيد ، إخواتي القمر لو عايدوني بشوق والكل أبي أضمٌهْ – العيد ، أخواني الأعزّه وعيالهم شوفتهم معانا تزيد هالرحمهْ – العيد ، صوره وصوت عماتي وعمامي محفوضة في قلبي وكل كلمه –العيد ، خالاتي وخوالي اللماشفتهم للبعد وحنّ القلب حنّه – العيد ، دعوة أمهاتنا الطيبات من يتوجهوا ويدعولنا بذمهْ – العيد ، ضحكت والدي اللي أختفت لان القبر ضمّهْ – العيد ، جدي وجدتي راحو من زمن بس خلفوا نعمه – العيد جمعت من نحب لو داروا حوالينا وصارت الزحمه – العيد ، باقة من المشاعر متشكله بورود الكل يبي يشمهْ – العيد ، عيدية براءة بعيون الطفل ماشافها مهموم إلا وزال همه – العيد ، رحمه من السما تنزل على الطيبين من الله وحلّمه – العيد ، طير السعد لو رفرف علينا أبيتنا والأهل ملتمهْ – العيد ، أطفال بملابس جديدة تلعب وتشكيلات حلوه متولّمه –العيد ، كلمه رقيقه من صديق أو قريب تجيك وترد له الكلمه – العيد ، إحنا ونفسنا الطيبة لما نتلاقى ونزيل كل نقمهْ – العيد ، مصفاة القلوب من الحقد وكل واحد يعفى عن خصمه – العيد ، تشكيلة حلو شغل البيت ناكلها وشويه كم لقمه العيد ، بهجة ترتسم بين الناس من كل صوب وبوجيهم رسمه – العيد ، خلطة من المشاعر تدخل بالقلوب ماتحتاج لفيزا أو وسمه – العيد ، يصبح معانا لما كلنا نحرص عليه ونستقبله بحكمهْ –العيد ، أنتم أحبابنا يوم تعايدونا بصدق وتشاركونا النعمهْ .
الكلمات : تعبر عن رأي كاتبها