عواد الدحان
ياعيد لا تكثِر علينا المواعيد
واحباب قلبي عن عيوني بعيده
دون الغوالي للفرح دوم ماريد
مابغى جعاله أو ملابس جديده
لا تأتِنا فـ القلب كلّه تناهيد
ضخ الالم والهم داخل وريده
والناس تشكو من غلوّ التعاويد
جور الحراف اضعف قواها الشديده
والكل ضايق شيبها والمواليد
لافارحه بالعيد ولاهي تريده
واكثر ألم حين خالفوا للتقاليد
في العيد سابو كل خصله حميده
كلن يجافي منهج الدين ويحيد
بالصد قد هدو بروج العقيده
وازدادت افعال الاذى والمناقيد
في كل يوم نسمع مشاكل جديده
سابو التئآلف والتسامح في العيد
والطيب غادر والمحبه فقيده
من الميه واحد نحصّل لنا جيد
ذي يحمل اوصاف الرجال الرشيده
ماتت فنون اعيادنا والانااااشيد
يعظم الله اجر السنين المجيده
لكنّ ما قد راح ماعاد بيفيد
واللي مضى ما يقدر احد يعيده
يالله يامن تستحق التحاميد
فرّج بمنّك كربة ارض السعيده
