تاخذني الأيام لـ معاند الذات
كبير .. وآكابر وتصغر جروحي
لو كان في قلبي مواويل نايات
ما ينكسر مع الليالي طموحي
كم ضيقةٍ مرت على القلب بسكات
واقول للضيقة : على طول روحي
ما ينهزم قلبي وصبري مسافات
ولا يسمعون فـ عتمة الليل بوحي
حلم البدايات وجروح النهايات
بين ابتساماتي وتنهيد نوحي
حزني بحر لكن عزومي محيطات
ما هدّت الآلام عالي صروحي
أرسم لبسمات السنين اتجاهات
حتى لو ان العمر ماهوب يوحي
وان غافلتني دمعتي قلت هيهات
تحدّري يا دمعتي من سفوحي
أنا الكبير ولي مع الوقت وقفات
لي عزتي لي هيبتي لي جموحي
لو اخسر الدنيا وأهلها .. سلامات
أهم شي أكسب مع الوقت روحي