بصمة وفاء العبدالله  

تأسمك ياعلي مايتسع له خيالي
هيهات أوصل لوصفك
بابيـات “مسطورة” ..

اضل تايه دون ذكرك ياهواي
وتضل القلوب بس لحبك
وهواك “محصورة”..

منو يقدر ياعلي يوصل مكانك
غير النبي وباقي الناس فيك
“مسحورة”

أحلـى امـن القمر إنت ياعلي
واعذب من الماي والمطر
و”بحوره” …

شحكي شقول والقلب ذاب بهواك
كل ذراتي تعشقك ..
ولحسنك تضل “مبهوره”

منو أنت .. ملاك لو بشر
أظن الله اخلقـك ياعلي
“مـن نـوره “..

لجل هذا ياعلي تنولد في بيت الاله
وتنفتح لك جدران “مشهورة” ..

تستاهل ياعلي بروعة وجودك
تتفاخر الاملاك ..
والنبي “ودستورة”

تمنيت الليلة بمحراب عشقك اتبتل
وتطفي نار بالحشى “مجمورة”

اطلبك ياعلي بعطر بيت الله
والرخامة الحمرة ألك “منذورة” ..

تشرح خاطري وخاطر محبيك ..
بظهور الولي تغدي قلوبنا
“مسرورة”..

لأن دعائك لطف بارينا ..
وخلاك بعد النبي
الـذكر والفاتحـة “والسـورة”

واريد أعلمك ياعلي يامولاي
نذرت نفسي لخدمتك ..
وابشرك يامولاي
مو بـس آنـه كل الدنيـا
إلك “منـذوره ” ..

سفن حبك رست على ضفة شواطيك
وتغنت طيور النورس مثل
تلاطم “ابحوره” ..

الشعر تاه في وسط موجك
ودانات الحروف تاهت في
“سطوره” ..

كل هذا لجل اغسل ذنوبي بماي حبك
لأن ابذكرك اجزم الليلة..
اذنوبي “مغفــورة” …

تاهت حيرتي هالليلة من نورك
وعرفت بمولدك يالغالي
ارسل لي الباري
للدنيا “اعطــوره”..

واسلم عليك يامهجة الكعبة
واصلي ويا الاملاك والباري
صلاة كاملة ماهي “مبتوره”..

لان ذكرك عبادة ياعلي قالها الباري
أنت نعمة فيك تمم الاسلام
وبحبك مايريد جزاء ولا “شكوره”

وجنب اسمك ابصم اسمي يامولاي
بالوفا والاخلاص وروحي
لك “منذوره” ..